Hadida-sien-ek-my-gat!

Hier is ek weer, kwaggas!  Maar voordat ek begin met my “meltdown” storie, laat ek maar eers posvat met iets snaaks…

Ek hou van voëls, sommer baie.  Nie in hokke nie.  Hulle moet vry vlieg.  My gunsteling is uile.  Ek het hoeka die ander aand amper my kar omgegooi want daar was een in die middel van die pad en toe hy sy vlerke sprei om te vlieg toe is hy omtrent die hele pad vol – in al sy glorie!  Die Mister weet ook al:  hy moet my wakker maak as hy een by ons huis sien.  Hulle fassineer my erg baie.

Maar, daar is een tipe voël wat my glad nie impress nie, en dit is ‘n Hadida.  Fokkit daai geskrou as mens op ‘n Saterdagoggend laat wil slaap (en hierdie tannie werk nie meer op Saterdae nie – whooooo-hoooo!).  Dan harloop ek sommer in my lelikste pajamas en plakkies die strate in en gooi hulle met klippe.  Hulle lawaai net en vreet die erdwurmpies op!

Saterdagoggend toe besluit ek en die Tiener om die nuwe “IT” te gaan kyk (bliksem my maag was gister nog omgekrap – ek is mos soos ‘n bobbejaan, as ek skrik dan gaan ek aan de skeit!) maar eers moes ons in die dorp stop om die boekhoudster wat my pos by my ou werk oorgeneem het te gaan help met iets.  Oppad dorp toe sien ek drie Hadidas wei op ‘n sypadjie.  Ek gee toe so bietjie gas en swenk effe na links, nét genoeg om hulle te laat skrik.  Met dié vlieg die een Hadida toe in ‘n betonmuur was – plat op sy rug!  Maar hy het weer opgekom en sy tjommas gaan soek.  Ek was natuurlik dik van die lag maar die Tiener was minder impressed met haar ma se vroegoggend antics.

In die dorp gekom lag-lag ek nog so lekker vir die vieslike Hadida wat ek so skrikgemaak het.  Ek maak die kar se deur toe oop, klim toe uit en wat-de-moer..?  Iets voel nie lekker tussen my tone nie… Daar staan ek toe in een moerse plas kots só diep is dat dit by my sandale inloop.  Da-farq?  Waar is die Wetwipes as mens dit nodig het.

Daai is nou justice as jy nog ooit gewonder het hoe dit lyk!

4 thoughts on “Hadida-sien-ek-my-gat!

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google+ photo

Jy lewer kommentaar met jou rekening by Google+. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s